Pages

Wednesday, June 04, 2014

നാടില്ലാത്തവനോട് നാറ്റിവിറ്റി ചോദിക്കുന്നവര്‍

ഇന്ത്യയിലെ നിരവധി സ്ഥലങ്ങളില്‍ നടത്തിയ യാത്രക്കിടയില്‍ ഇന്നും മനസ്സില്‍ അണയാതെ എരിയുന്ന ഓര്‍മക്കനലുകളിലൊന്നാണ് ആസാം കലാപബാധിത പ്രദേശങ്ങളില്‍ നടത്തിയ സന്ദര്‍ശനം. ആസാമിലെ ബിലാസിപാറ എന്ന സ്ഥലത്തെ ഒരു അഭയാര്‍ത്ഥി ക്യാമ്പാണിത്. സര്‍ക്കാര്‍ ഏര്‍പ്പെടുത്തിയ ക്യാമ്പാണെന്ന് തെറ്റിദ്ധരിക്കരുത്. കലാപകാരികളില്‍ നിന്നും രക്ഷപ്പെടാന്‍ ജീവന്‍ മാത്രം കൈയില്‍ പിടിച്ച് വീടും നാടും വിട്ടോടിയ ആയിരക്കണക്കിനു മനുഷ്യര്‍, കയറിക്കിടക്കാന്‍ ഒരിടം തേടി എത്തിപ്പെട്ട സ്ഥലത്തെ സ്‌കൂളുകളുടെ താഴുകള്‍ തകര്‍ത്ത് 'അനധികൃതമായി' താമസമാരംഭിച്ചതാണ്. മാധ്യമങ്ങള്‍ അതിനെ അഭയാര്‍ത്ഥി ക്യാമ്പ് എന്നു വിശേഷിപ്പിച്ചത് അവരുടെ കാരുണ്യം. ഒരോ ക്ലാസ് മുറിയികളിലും മുപ്പതിലധികം ആളുകള്‍ തിങ്ങി താമസിക്കുന്ന കാഴ്‌ച. അവരില്‍ വൃദ്ധരുണ്ട്.. ഗര്‍ഭിണികളുണ്ട്.. കൈക്കുഞ്ഞുങ്ങളുണ്ട്.. കലാപത്തില്‍ പരിക്കേറ്റവരുണ്ട്..! ഈ സ്‌കൂളില്‍ മാത്രം മൂവായിരത്തോളം ആളുകള്‍ താമസിക്കുന്നു. പ്രാഥമികാവശ്യങ്ങള്‍ക്കുള്ള സൗകര്യം എത്രമാത്രമുണ്ടാകുമെന്ന് ആലോചിക്കാവുന്നതേയുള്ളൂ. ഇതു പോലെ നിരവധി ക്യാമ്പുകള്‍.
നാടില്ലാത്തവനോട് നാറ്റിവിറ്റി ചോദിക്കുന്നവര്‍SocialTwist Tell-a-Friend

Thursday, November 28, 2013

സിനിമാ പ്രേമികള്‍ക്കായി ഒരു മൊബൈല്‍ അപ്ലികേഷന്‍


കേരളത്തിലെ സിനിമാ പ്രേമികള്‍ക്കായി പുറത്തിറങ്ങിയ വ്യത്യസ്‌തമായ ഒരു ആന്‍‌ഡ്രോയിഡ് അപ്ലികേഷനാണ് ഇന്നത്തെ സിനിമ. പതിനായിരത്തോളം ആളുകള്‍ ഇതിനകം ഈ അപ്ലികേഷന്‍ ഡൗണ്‍‌ലോഡ് ചെയ്‌തു കഴിഞ്ഞു. കേരളത്തിലെ തിയേറ്ററുകളില്‍ പ്രദര്‍ശിപ്പിക്കുന്ന സിനിമകള്‍ ഏതൊക്കെ എന്ന് വളരെ എളുപ്പത്തില്‍ തിരയാന്‍ സാധിക്കുന്ന മൊബൈല്‍ അപ്പ്ലികേഷനാണ് ഇന്നത്തെ സിനിമ. കേരളത്തില്‍ ആദ്യമായാണ് ഇത്തരമൊരു അപ്ലികേഷന്‍ ഇറങ്ങുന്നത്. 4.6/5 ആണ് ഗൂഗിള്‍ പ്ലേ സ്‌റ്റോറില്‍ ഇതിനകം ഈ അപ്ലിക്കേഷനു ലഭിച്ചിരിക്കുന്ന യൂസര്‍ റേറ്റിംഗ്.
സിനിമാ പ്രേമികള്‍ക്കായി ഒരു മൊബൈല്‍ അപ്ലികേഷന്‍SocialTwist Tell-a-Friend

Tuesday, October 01, 2013

പുറം‌മോടിയില്‍ അഭിരമിക്കുന്ന മോഡി

അഡോല്‍ഫ് ഹിറ്റ്ലര്‍ക്ക് ജോസഫ് ഗോബല്‍സ് എന്ന ഒരു പ്രചാരണ മന്ത്രി (propaganda minister) ഉണ്ടായിരുന്നു. ജര്‍മനിയിലെ റേഡിയോ, പത്ര മാധ്യമങ്ങളിലൂടെ ഹിറ്റ്‌ലറുടെ ഇമേജ് വര്‍ദ്ധിപ്പിക്കുക എന്നതായിരുന്നു അയാളുടെ പ്രധാന ജോലി. ഹിറ്റ്‌ലറുടെ ഇന്ത്യന്‍ പതിപ്പായ നരേന്ദ്ര മോഡിയുടെ വ്യാജനിര്‍മിത തിളക്കത്തിനു പിന്നിലും ഇത്തരമൊരു പ്രൊപഗണ്ട കാമ്പയിന്‍ ആണ് എന്ന സത്യം ഇന്ന് ലോകം തിരിച്ചറിഞ്ഞ വസ്‌തുതയാണ്. അത്തരമൊരു മുഖം മിനുക്കല്‍ പരിപാടിയുടെ ദൗത്യം മോഡി എല്‍‌പിച്ചതാകട്ടെ കുപ്രസിദ്ധ അമേരിക്കന്‍ കോര്‍പറേറ്റ് കമ്പനിയായ ആപ്‌കോയെയാണ്.
പുറം‌മോടിയില്‍ അഭിരമിക്കുന്ന മോഡിSocialTwist Tell-a-Friend

Thursday, July 28, 2011

ജനനനിയന്ത്രണം - പുകമറയ്‌ക്കു പിന്നിലെ യാഥാര്‍ത്ഥ്യങ്ങള്‍

ജനനനിയന്ത്രണത്തിനു വേണ്ടിയുള്ള ആഹ്വാനങ്ങളും ശുപാര്‍ശങ്ങളും കാലങ്ങളായി കേട്ടു കൊണ്ടിരിക്കുന്ന 'പുരോഗമന'വര്‍ത്തമാനങ്ങളാണ്. ഇതിന്റെ ഭാഗമായി പുരുഷവന്ധ്യംകരണത്തിന്റെ പ്രചാരണവുമായി സര്‍ക്കാറുകള്‍ തന്നെ രംഗത്തിറങ്ങിയത് പോലും വാര്‍ത്തയായി മാറാത്തിടത്തോളം സാമാന്യവല്‍കരിക്കപ്പെട്ടിരിക്കുന്നു കാര്യങ്ങള്‍ . രാജസ്ഥാനിലും ന്യൂഡല്‍‌ഹിയിലുമൊക്കെ പുരുഷവന്ധ്യംകരണത്തിനു തയ്യാറുള്ളവരില്‍ നിന്നും നറുക്കെടുത്ത് വിജയികള്‍ക്ക് വിലയേറിയ സമ്മാനങ്ങള്‍ പ്രഖ്യാപിച്ചു കൊണ്ടാണ് പ്രചരണത്തിനിറങ്ങിയിരിക്കുന്നത്. ഇത്തരം ദല്ലാള്‍‌മാര്‍ ഇന്ത്യയിലെ വിവിധ സംസ്ഥാനങ്ങളില്‍ പ്രചരണത്തിനിറങ്ങിയിട്ടുണ്ട്. ഒരു കുഞ്ഞിക്കാലു കാണാന്‍ ആശുപത്രികള്‍ കയറിയിറങ്ങുന്ന ലക്ഷക്കണക്കിന് ഹതഭാഗ്യര്‍ താമസിക്കുന്ന ഇന്ത്യയില്‍ തന്നെയാണ് ഊര്‍ജ്ജിതമായ ഈ കാമ്പയിനും നടക്കുന്നത്.
ജനനനിയന്ത്രണം - പുകമറയ്‌ക്കു പിന്നിലെ യാഥാര്‍ത്ഥ്യങ്ങള്‍SocialTwist Tell-a-Friend

Sunday, July 03, 2011

ഗൂഗിള്‍ പ്ലസ് ഫേസ്‌ബുക്കിനെ വെല്ലുമോ?

സോഷ്യല്‍ നെറ്റ്‌വര്‍ക്ക് രംഗത്ത് വര്‍ഷങ്ങളായി തങ്ങളുടെ അപ്രമാദിത്വം കാത്തുസൂക്ഷിക്കുകയായിരുന്നു ഫേസ്‌ബുക്ക്. ഫേസ്‌ബുക്കിന്റെ വരവോടു കൂടി മൈസ്‌പേസും ഗൂഗിളിന്റെ കീഴിലുള്ള ഓര്‍ക്കുടും വഴിയോരത്ത് ഉപേക്ഷിക്കപ്പെട്ടു എന്നത് ഒരു സത്യം തന്നെയാണ്. മൈസ്‌പേസിന്റെ തനിപകര്‍പ്പാണ് ഫേസ്‌ബുക്ക് എന്ന് പരാതിപ്പെട്ടവര്‍ പോലും പക്ഷെ തെരഞ്ഞെടുത്തത് ഫേസ്‌ബുക്കിനെയായിരുന്നു. കാരണം മറ്റൊന്നുമല്ല, ഫേസ്‌ബുക്ക് ഉപയോക്താക്കള്‍ അനുഭവിച്ചറിഞ്ഞ സൗഹൃദപരത തന്നെയാണ്. ഇടയ്‌ക്ക് ഗൂഗിള്‍ ബസ് ഇറങ്ങിയെങ്കിലും, പ്രതീക്ഷിച്ച വിജയം കൈവരിക്കാന്‍ സാധിച്ചില്ല.
ഗൂഗിള്‍ പ്ലസ് ഫേസ്‌ബുക്കിനെ വെല്ലുമോ?SocialTwist Tell-a-Friend